භික්ෂුවක් එක ම ආරණ්‍යයක හෝ
එක ම පන්සලක දිගු කලක් වාසය කිරීම
අකුසල් වැඩීමට සහ කුසල් දහමින් පිරිහීමට හේතු වෙයි
අතිනිවාස සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 3 - පිටු අංක 418 - 419)
බොහෝ කලක් එක් තැනක විසීමෙහි ආදීනවයෝ දස දෙනෙකි.
කවර දහයක් ද යත්;
- බොහෝ බඩු භාණ්ඩ රැස් කර ගත්, බහු භාණ්ඩිකයෙක් වෙයි.
- බොහෝ බෙහෙත් රැස් කර ගත්, බහු භේසජ්ජකයෙක් වෙයි.
- බොහෝ බාහිර කටයුතුවල යෙදෙන, කුමක් කුමක් කළ යුතු දැයි සොයා බලන්නා වූ, බොහෝ කටයුතු ඇත්තෙක් වෙයි.
- ගිහියන් සහ පැවිද්දන් හා එක් වී, නුසුදුසු වූ ගිහි සංසර්ගයෙන් යුතු ව වාසය කරයි.
- ඒ ආවාසයෙන් නික්ම ගියත්, නැවත පැමිණීමේ අපේක්ෂාවෙන් ම බැහැර යයි.
- ආවාසය කෙරෙහි මසුරු වෙයි.
- දායක පවුල් කෙරෙහි මසුරු වෙයි.
- ලාභයෙහි මසුරු වෙයි.
- ගුණ වර්ණනාවෙහි මසුරු වෙයි.
- ධර්මයෙහි මසුරු වෙයි.
මේ බොහෝ කලක් එක් තැනක විසීමෙහි දස ආදීනවයෝ වෙති.
බාගත කිරීමට 
