දුසිල්වත් වීමේ ආදීනව සහ සිල්වත් වීමේ ආනිසංස
පාටලිගාමිය සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, ඛුද්දක නිකාය 1 - පිටු අංක 302 - 305)
දුසිල්වතුන්ගේ සිල් නැති කර ගැනීමේ දොස් පසකි.
- සිල් නැති කර ගත් දුසිල්වත් පුද්ගලයා ප්‍රමාදය හේතුවෙන් මහත් වස්තු පිරිහීමකට පත්වෙයි.
- සිල් නැති දුසිල්වතුන් කෙරෙහි පහත්, නීච, අපකීර්ති රාවයක් පැතිරෙයි.
- සිල් නැති දුසිල්වත් පුද්ගලයා, රජ පිරිසක් හෝ බමුණු පිරිසක් හෝ ගෘහපති පිරිසක් වෙතට බියෙන්, අදක්ෂ ව, පහතට හරවා ගත් මුහුණ ඇති ව එළඹෙයි.
- සිල් නැති දුසිල්වත් පුද්ගලයා සිහි මුළා වී කලුරිය කරයි.
- සිල් නැති දුසිල්වත් පුද්ගලයා කය බිඳී මිය ගොස් සැප නැති, දුක් ඇති, නපුරු වූ නිරයේ උපදියි.
සිල්වතුන්ගේ සිල් පිරීමේ ආනිසංස පසකි.
- සිල්වත් පුද්ගලයා අප්‍රමාදී වීම හේතුවෙන් මහත් ධන ධාන්‍ය හිමි කර ගනියි.
- සිල්වත් පුද්ගලයා කෙරෙහි යහපත් කීර්ති රාවයක් පැතිරෙයි.
- සිල්වත් පුද්ගලයා, රජ පිරිසක් හෝ බමුණු පිරිසක් හෝ ගෘහපති පිරිසක් වෙතට භය නොමැති ව, දක්ෂ ව, තෙදැති ව එළඹෙයි.
- සිල්වත් පුද්ගලයා මනා සිහි ඇති ව ම කලුරිය කරයි.
- සිල්වත් පුද්ගලයා කය බිඳී මිය ගොස් දුක් නැති, සැප ඇති දෙව්ලොව උපදියි.
බාගත කිරීමට 
