ආර්යයෝ කවරහු ද අනාර්යයෝ කවරහු ද
අනාර්ය පිරිස හා ආර්ය පිරිස ගැන දෙසූ දෙසුම ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 1, දුක නිපාතය - පිටු අංක 138 - 141)
අනාර්ය පිරිස කවුරුන් ද යත්;
මෙ සස්නෙහි යම් භික්ෂු පිරිසක්,
- මේ දුක යැයි තත් වූ පරිදි මනා සේ නොදනිති.
- මේ දුකේ හටගැනීම යැයි තත් වූ පරිදි මනා සේ නොදනිති.
- මේ දුකේ නිරෝධය (සමූල ඝාතනය) යැයි තත් වූ පරිදි මනා සේ නොදනිති.
- මේ දුක්ඛ නිරෝධය සඳහා වූ ප්‍රතිපදාව යැයි තත් වූ පරිදි මනා සේ නොදනිති.
මේ අනාර්ය පිරිස යැයි කියනු ලැබෙයි.
ආර්ය පිරිස කවුරුන් ද යත්;
මේ සස්නෙහි යම් භික්ෂු පිරිසක්,
- මේ දුක යැයි තත් වූ පරිදි මනා සේ දනිති.
- මේ දුකේ හටගැනීම යැයි තත්වූ පරිදි මනා සේ දනිති.
- මේ දුකේ නිරෝධය යැයි තත් වූ පරිදි මනා සේ දනිති.
- මේ දුක්ඛ නිරෝධය සඳහා වූ ප්‍රතිපදාව යැයි තත් වූ පරිදි මනා සේ දනිති.
මේ ආර්ය පිරිස යැයි කියනු ලැබෙයි.
මේ පිරිස් දෙක අතරින් යම් ආර්ය පිරිසක් වේ ද ඒ අය ම අග්‍ර වෙති.
බාගත කිරීමට 
