Majjima Patipada | Sadaham Lipi

බුදු රජාණන් වහන්සේ කෙරෙහි ඇති ගෞරවය නිවනට ම පවතියි

සක්කාරගරුකාර සූත්‍රය ඇසුරින්

(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 4 - පිටු අංක 452 - 461)

යම් භික්ෂුවක්,

ශාස්තෘන් වහන්සේට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
ධර්මයට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
සංඝයාට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
ශික්ෂාවට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
සමාධියට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
අප්‍රමාදයට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේය. කුසල් වඩන්නේය.
පිළිසඳරට සත්කාර කොට ගරුකාර කොට වාසය කරන්නේ නම් අකුසල් දුරු කරන්නේ ය කුසල් වඩන්නේය.

එසේ ම ශාස්තෘන් වහන්සේ කෙරෙහි ගෞරව නැති තැනැත්තා ධර්මය කෙරෙහි ගෞරව සහිත වෙයි යන්න සිදු නොවිය හැකිය. ශාස්තෘන් වහන්සේ කෙරෙහි ගෞරව නැති තැනැත්තා ඒකාන්තයෙන් ම ධර්මය කෙරෙහි ද ගෞරව නැත්තේ වෙයි.
එසේ ම ශාස්තෘන් වහන්සේ කෙරෙහි සහ ධර්මය කෙරෙහි ගෞරවය නැති තැනැත්තා ඒකාන්තයෙන් ම සංඝයා කෙරෙහි ද ගෞරව නැත්තෙක් වෙයි.
එසේ ම ශාස්තෘන් වහන්සේ කෙරෙහි, ධර්මය කෙරෙහි සහ සංඝයා කෙරෙහි ගෞරව නැති තැනැත්තා ඒකාන්තයෙන් ම ශික්ෂාව කෙරෙහි ද ගෞරව නැත්තෙක් වෙයි.
එසේ ම ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි සහ ශික්ෂාව කෙරෙහි ගෞරව නැති තැනැත්තා ඒකාන්තයෙන් ම සමාධිය කෙරෙහි ද ගෞරව නැත්තෙක් වෙයි.
එසේ ම ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි, ශික්ෂාව කෙරෙහි සහ සමාධිය කෙරෙහි ගෞරව නැති තැනැත්තා ඒකාන්තයෙන් ම අප්‍රමාදය කෙරෙහි ද ගෞරව නැත්තෙක් වෙයි.
එසේ ම ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි, ශික්ෂාව කෙරෙහි, සමාධිය කෙරෙහි සහ අප්‍රමාදය කෙරෙහි ගෞරව නැති තැනැත්තා ඒකාන්තයෙන් ම පටිසන්ථාරය කෙරෙහි ද ගෞරව නැත්තෙක් වෙයි.

එසේ ම යම් භික්ෂුවක්,

ශාස්තෘන් වහන්සේ කෙරෙහි ගෞරව ඇත්තේ, ධර්මය කෙරෙහි ගෞරව නැති ව වසන්නේය යන කරුණ විද්‍යමාන නොවෙයි. ශාස්තෘන් වහන්සේ කෙරෙහි ගෞරව ඇත්තේ නම් ඒකාන්තයෙන් ම ධර්මය කෙරෙහි ද ගෞරව ඇත්තෙක් වෙයි.
ශාස්තෘන් වහන්සේ කෙරෙහි සහ ධර්මය කෙරෙහි ගෞරව ඇත්තේ නම් ඒකාන්තයෙන් ම සංඝයා කෙරෙහි ද ගෞරව ඇත්තෙක් වෙයි.
ශාස්තෘන් වහන්සේ කෙරෙහි, ධර්මය කෙරෙහි සහ සංඝයා කෙරෙහි ගෞරව ඇත්තේ නම් ශික්ෂාව කෙරෙහි ද ගෞරව ඇත්තෙක් වෙයි.
ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි සහ ශික්ෂාව කෙරෙහි ගෞරව ඇත්තේ නම් සමාධිය කෙරෙහි ද ගෞරව ඇත්තෙක් වෙයි.
ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි, ශික්ෂාව කෙරෙහි සහ සමාධිය කෙරෙහි ගෞරව ඇත්තේ නම් අප්‍රමාදය කෙරෙහි ද ගෞරව ඇත්තෙක් වෙයි.
ශාස්තෘන් වහන්සේ කෙරෙහි, ධර්මය කෙරෙහි, සංඝයා කෙරෙහි, ශික්ෂාව කෙරෙහි, සමාධිය කෙරෙහි සහ අප්‍රමාදය කෙරෙහි ගෞරව ඇත්තේ නම් පටිසන්ථාරය කෙරෙහි ද ගෞරව ඇත්තෙක් වෙයි.

බාගත කිරීමට