කළු කපුටෙක් වැනි පාපකාරී භික්ෂුව හඳුනා ගනිමු
කාක සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 6 - පිටු අංක 264 - 265 )
කපුටා දස අසද්ධර්මයකින් යුක්ත වෙයි.
කවර අසද්ධර්ම දහයකින් ද යත්;
- ගුණ නසන්නේ වෙයි.
- අසංවර වූ නොහික්මීම් ඇත්තේ වෙයි.
- තිගැස්සීම් සහ සැක බහුල වෙයි.
- බොහෝ සේ අනුභව කරන්නේ වෙයි.
- නපුරු වෙයි.
- අකාරුණික වෙයි.
- දුර්වල වෙයි.
- නපුරු ලෙස කෑ ගසන්නේ වෙයි.
- සිහි මුළා වූයේ වෙයි.
- රැස් කරනුයේ ද වෙයි.
කපුටා මේ දස අසද්ධර්මයෙන් යුක්ත වෙයි.
එසේ ම පාපකාරී භික්ෂුව දස අසද්ධර්මයකින් යුක්ත වෙයි.
- ගුණ නසන්නේ වෙයි.
- අසංවර වූ නොහික්මීම් ඇත්තේ වෙයි.
- තිගැස්සීම් සහ සැක බහුල වෙයි.
- බොහෝ සේ අනුභව කරන්නේ වෙයි.
- නපුරු වෙයි.
- අකාරුණික වෙයි.
- දුර්වල වෙයි.
- නපුරු ලෙස කෑ ගසන්නේ වෙයි.
- සිහි මුළා වූයේ වෙයි.
- චීවර, පිණ්ඩපාත, සේනාසන, ගිලන් පස, බෙහෙත්, පිරිකර ආදිය රැස් කරනුයේ ද වෙයි.
පාපකාරී මහණ මෙම දස අසද්ධර්මයෙන් යුක්ත වෙයි.
බාගත කිරීමට 
