නින්දා අපහාස ආර්ය උපවාද කරන්න එපා
අක්කොසක සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 6 - පිටු අංක 304 - 305)
යම් මහණෙක්, එකට බ්‍රහ්මචරියාවේ හැසිරෙන්නන්ට නින්දා අපහාස කරන්නේ ද, ආර්ය උපවාද කරන්නේ ද, ඔහු පහත සඳහන් දස විනාශයන්ට හෝ මෙයින් එකකට හෝ කිහිපයකට පත් නොවීමට හේතු රහිතය, අවකාශ ද රහිතය.
කවර දහයකට ද යත්;
- අවබෝධ නොකළ දහම් අවබෝධ නොවෙයි.
- අවබෝධ කළ දහමින් පිරිහෙයි.
- සද්ධර්මයෙන් සිත පිරිසිදු නොවෙයි.
- මාර්ග ඵල නොලබා, ලැබුවේ යැයි හෝ සිතා ගනියි.
- නො කැමැත්තෙන් හෝ බ්‍රහ්මචරියාවේ හැසිරෙයි.
- එක්තරා කිළිටි සහිත වූ ඇවතකට හෝ පත්වෙයි.
- දැඩි රෝගාබාධයකට හෝ ලක්වෙයි.
- උන්මාදයට පත් වී මානසික රෝගයක් හෝ ඇතිවෙයි.
- සිහි මුළා වී කලුරිය කරයි.
- කය බිඳී මරණින් මතු සැප නැති, දුක් ඇති දුගති වූ නිරයෙහි උපදියි.
බාගත කිරීමට 
