සද්ධර්මය ඇසූව ද නිවන් මග වැසී යා හැකි හේතු
සම්මත්ත නියාම සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, අඞ්ගුත්තර නිකාය 3 - පිටු අංක 284 - 287)
පහත ධර්මයන්ගෙන් යුක්ත වූයේ, සද්ධර්මය ඇසූව ද කුසල ධර්මයන් සම්පූර්ණ වන නිවන් මගට පැමිණීමට නුසුදුසු වෙයි.
- ධර්ම කථාවට පරිභව (නින්දා අපහාස) කරයි.
- ධර්ම දේශකයාට පරිභව කරයි.
- තමාට පරිභව කරයි.
- ජඩ වූ කෙලතොලු වූ අනුවණයෙක් වෙයි.
- ‘නොදන්නා ලද්දෙහි දනිමි’ යැයි සිත් ඇත්තේ වෙයි.
- එකඟ නොවූ සිත් ඇති ව විසුරුණු සිත් ඇති ව ධර්මය අසයි.
- අයෝනිසෝමනසිකාරයෙන්(නුනුවණින් මෙනෙහි කිරීමෙන්) යුතු වෙයි.
- ගුණමකු වූයේ, ගුණමකු බවින් මැඩුණු සිතින් සද්ධර්මය අසයි.
- හෙළා දකින අදහසින්, සිදුරු සොයන අදහසින් සද්ධර්මය අසයි.
- ධර්ම දේශකයා කෙරෙහි දැඩි ක්‍රෝධයෙන් ගැටුණු සිතින් යුතු වෙයි.
මෙම ධර්ම වලින් යුක්ත පුද්ගලයා, සද්ධර්මය අසන නමුත් කුසල ධර්ම සම්පූර්ණ කර නිවන් මගට පැමිණීමට නුසුදුසු වෙයි.
බාගත කිරීමට 
