සඟ රුවනට කරන පාත්‍ර පූජාව නිවන තෙක් මේ ආනිසංස ඔබට ලබාදේවි

පිළින්දිවච්ඡස්ථවිරාවදානය ඇසුරින්

(බුද්ධ ජයන්ති ත්‍රිපිටක ග්‍රන්ථ මාලා, ඛුද්දක නිකාය, අපදානපාළි 1 - පිටු අංක 566 - 567)

හංසවතී නගරයේ ජීවත් වූ දොරටුපාලයෙක් වූ ඔහු පදුමුත්තර බුදු රජාණන් වහන්සේ ප්‍රමුඛ ලක්ෂයක් රහතන් වහන්සේලාට පාත්‍ර පූජා කළා. එතැන් සිට නිවන් දකින තෙක් ඉපදුන හැම ආත්මයේදී ම මේ ආනිසංස ඔහුට ලැබුණා.

• ඉතා වටිනා තලි පාවිච්චියට ලැබුණා.
• උවදුරු ඇති වුණේ නැහැ.
• හැම කාලයේ දී ම පුද පූජා ලැබුණා.
• ආහාර පාන, ඇඳුම් හා සුව පහසු ඇඳන් ලැබුණා.
• භෝග විනාශ වුණේ නැහැ.
• හැම කාලයේ දී ම ධර්මයට කැමති වුණා.
• නිවුණු සිතක් ලැබුණා.
• ගෞතම බුදු සසුනේ දී කෙළෙස් නැති කර උතුම් රහත් බව ලැබුවා.

---

බාගත ​කිරීමට