උපාදාන නිරෝධ කරන පිළිවෙත නොදන්නා භික්ෂුව
පැවිද්දෙක් යැයි සම්මත නොවෙයි
සමණබ්‍රාහ්මණ සූත්‍රය ඇසුරින්
(බුද්ධ ජයන්ති ත්‍රිපිටක ග්‍රන්ථ මාලා, සංයුක්ත නිකාය 2 - පිටු අංක 24 - 27)
යම් මහණ බමුණෙක්,
- උපාදානය මැනවින් නොදනිත් ද
- උපාදාන සමුදය මැනවින් නොදනිත් ද
- උපාදාන නිරෝධය මැනවින් නොදනිත් ද
- උපාදාන නිරෝධ ගාමිනී ප්‍රතිපදාව මැනවින් නොදනිත් ද
ඒ මහණ බමුණෝ, මහණන් කෙරෙහි මහණ යැයි සම්මත ද නොවෙති. බමුණන් කෙරෙහි බමුණු යැයි සම්මත ද නොවෙති.
ඒ මහණ බමුණෝ, පැවිද්දන්ගේ පැවිදි බවෙහි අර්ථයත්, බමුණන්ගේ බමුණු බවෙහි අර්ථයත් මේ ජීවිතයේ දී මනා ව අවබෝධ කොට ප්‍රත්‍යක්ෂ කොට වාසය ද නොකරති.
- උපාදානය යනු;
- තදින් අල්ලා ගැනීම වෙයි. උපාදාන සතරකි
- කාම උපාදානය
- දිට්ඨි උපාදානය
- සීලබ්බත උපාදානය
- අත්තවාද උපාදානය
- උපාදාන සමුදය යනු;
- තණ්හාව හටගැනීමෙන් උපාදානය හටගනියි.
- උපාදාන නිරෝධය යනු;
- තණ්හාව නිරෝධයෙන් උපාදානය නිරෝධ වෙයි.
- උපාදාන නිරෝධ ගාමිනී ප්‍රතිපදාව යනු;
- ආර්ය අෂ්ටාංගික මාර්ගය වෙයි.
- එනම් සම්මා දිට්ඨි, සම්මා සංකප්ප, සම්මා වාචා, සම්මා කම්මන්ත, සම්මා ආජීව, සම්මා වායාම, සම්මා සති සහ සම්මා සමාධි වෙයි.
බාගත කිරීමට 
